Миңнеханов һәм Бобожонов Үзбәкстан белән КАМАЗ хезмәттәшлеге турында сөйләште
Очрашу IDEX 2021 халыкара кораллар һәм хәрби техника күргәзмәсендә узды.
(Казан, 21 февраль, «Татар-информ»). Бүген Татарстан Республикасы Президенты Рөстәм Миңнеханов Үзбәкстан Эчке эшләр министры Пулат Бобожонов белән очрашты.
Фикер алышу IDEX 2021 халыкара кораллар һәм хәрби техника күргәзмәсендә узды. Бу хакта ТР Президенты матбугат хезмәте җитәкчесе Лилия Галимова хәбәр итте.
Сөйләшү барышында Татарстан белән Үзбәкстан арасында КАМАЗ линиясе буенча хезмәттәшлекне киңәйтү мәсьәләсе күтәрелде. Фикер алышуда автогигант генераль директоры Сергей Когогин катнашты.
Элегрәк Рөстәм Миңнеханов Россия компанияләре күргәзмәдә тәкъдим иткән хәрби техника, корал, саклау һәм куркынычсызлык системалары белән танышкан иде.