Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Быел Татарстанда 3 млн квадрат метр торак тапшырырга планлаштырыла
Казанда яңа төзелгән йортларда 1 квадрат метр торак бәясе 2021 елда өчтән бер өлештән күбрәккә артты.
(Казан, 21 гыйнвар, «Татар-информ», Алексей Угаров). 2022 елда Татарстан, фатирларга бәяләр артуга һәм ипотека кредитлары ставкалары күтәрелүгә карамастан, 3 млн квадрат метрдан да ким булмаган торак төзеп тапшырырга планлаштыра. Бу хакта Татарстан Президенты Рөстәм Миңнеханов Татарстан Республикасының Хөкүмәт Йортында узган киңәшмәдә әйтте.
«Соңгы елларда без иҗтимагый пространстволар буенча актив эшлибез, өченче ел инде бер меңнән артык күп фатирлы йортларның ишегалларын безнең стандартларга туры китерәбез. Моннан тыш, узган ел без 3 млн кв. метрдан артык торак төзеп тапшырдык, быелны да, мин беләм, шуннан ким булмас», — диде Миңнеханов.
Казанда яңа төзелгән йортларда 1 кв. метр торак бәясе 2021 елда өчтән бер өлештән күбрәккә артты, һәм 130 мең сумнан артып китте.
Торакның кыйммәтләнүе Россиянең балык төбәкләрендә дә күзәтелә, шуның аркасында илнең эре банклары ел ахырында ипотека кредитларының ставкалары арту турында игълан итте.
Кызыклы яңалыкларны күзәтеп бару өчен Телеграм-каналга язылыгыз