Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Рөстәм Миңнеханов коммуналь проблемаларны хәл итәргә чакырды
Татарстан Төзелеш министрлыгының йомгаклау коллегиясендә республика Президенты шәһәр мэры Илсур Метшинга торак коммуналь хуҗалыгы проблемалары ешаю сәбәпле мөрәҗәгать итте.
(Казан, 21 гыйнвар, «Татар-информ», Эльвира Зәйнулина). Татарстан Төзелеш министрлыгы коллегиясенең йомгаклау утырышында чыгыш ясаганда республика Президенты Рөстәм Миңнеханов коммуналь предприятиеләр проблемаларына игътибар итте.
«Бездә булган барлык очраклар, проблемалар турында миңа хәбәр итәләр. Әмма бу юлы проблемалар күп, бигрәк тә Казан буенча. Илсур Рәисович, бу хәлне анализларга кирәк булачак», — дип искәртте ТР Президенты Казан мэры Илсур Метшинга мөрәҗәгатендә.
Ул коммуналь хезмәтләрнең төп бурычларының берсе — җылыту сезонын үткәрү, диде. «Әле җылылык, әле су, әле торба. Билгеле, проблемалар килеп чыгып тора, оператив рәвештә эшлибез, әмма киләчәккә бу безгә бер сигнал», — дип искәртте ул.
Кызыклы яңалыкларны күзәтеп бару өчен Телеграм-каналга язылыгыз