Рөстәм Миңнеханов медицина хезмәткәрләрен һөнәри бәйрәмнәре белән котлады

Ул сәламәтлек саклау системасы хезмәткәрләренең Covid-19 коронавирусы пандемиясенә каршы көрәшенә багышланган видеоролик та урнаштырган.

(Казан, 20 июнь, «Татар-информ»). Татарстан Президенты Рөстәм Миңнеханов «ВКонтакте» һәм Инстаграм социаль челтәрләрендәге сәхифәсендә медицина хезмәткәрләрен һөнәри бәйрәмнәре белән котлады.

«Барлык медицина хезмәткәрләрен һөнәри бәйрәмнәре белән котлыйм! Сезнең хезмәтегез — бәяләп бетергесез! Сәламәт булыгыз!» — дип язган республика җитәкчесе.

Миңнеханов шулай ук сәламәтлек саклау системасы хезмәткәрләренең Covid-19 коронавирусы пандемиясенә каршы көрәшенә багышланган видеоролик урнаштырган.

«Татар-информ» мәгълүмат агентлыгы хәбәр иткәнчә, Татарстан Президенты уңышка ирешкән сәламәтлек саклау өлкәсендә эшләүчеләргә һәм Россия Кулланучы хокукларын яклау һәм кеше иминлеге өлкәсендә күзәтчелек федераль хезмәтенең Татарстан буенча идарәсе хезмәткәрләренә Россия һәм Татарстан дәүләт бүләкләрен тапшырды.