news_header_top
16+
news_header_bot
news_top

Минтимер Шәймиев РФ Дәүләт Советы утырышында катнаша

Минтимер Шәймиев РФ Дәүләт Советы утырышында катнаша

(Казан, 26 декабрь, “Татар-информ”). Бүген РФ Президенты Владимир Путин Кремльдә бу елдагы соңгы Россия Дәүләт Советы утырышын үткәрә. Ул РФдә традицион халык мәдәниятенә дәүләти ярдәм мәсьәләләренә багышланачак. Утырышта Татарстан Президенты Минтимер Шәймиев тә катнаша, дип хәбәр итә ТР Президенты матбугат үзәге.

Эш төркеме Россия халыкларының матди булмаган мәдәни мирасын саклап калу концепцияләрен эшләү, әлеге өлкәдә законнар базасы, халык сәнгате традицияләрен йөртүчеләрнең авторлык хокукларын саклау буенча норматив-хокукый база булдыру, халык осталарының иҗади эшчәнлекләрен матди стимуллаштыруны камилләштерү буенча тәкъдимнәр әзерләгән. Доклад авторлары шулай ук халык мәдәниятен саклаучыларның иҗади эшчәнлекләрен стимуллаштыру чараларын күз алдында тотучы федераль һәм төбәк дәрәҗәсендә махсус максатчан программалар кабул итү тәкъдиме белән чыгыш ясыйлар, дип хәбәр итә федераль мәгълүмат агентлыклары.

news_right_1
news_right_2
news_bot