Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Рөстәм Миңнеханов «Волга-Днепр» җитәкчелеге белән хезмәттәшлек хакында фикер алышты
Очрашуда «Казан» Халыкара аэропорты базасында транспорт узелы булдыруга бәйле проектны тикшерделәр.
(Казан, 19 гыйнвар, «Татар-информ»). Бүген Татарстан Президенты Рөстәм Миңнеханов «Волга-Днепр» Компанияләр төркеме президенты Алексей Исайкин белән онлайн-очрашу үткәрде.
Бу хакта ТР Президентының матбугат хезмәте хәбәр итә.
Яклар Татарстан һәм «Волга-Днепр» Компанияләр төркеме арасындагы хезмәттәшлекне алга таба үстерү буенча адымнар билгеләде. «Аерым алганда, очрашуда катнашучылар „Казан“ Халыкара аэропорты базасында транспорт узелы булдыруга бәйле проект хакында фикер алышты», - диелә хәбәрдә.
«Волга-Днепр» Компанияләр төркеме инде 30 ел дәвамында халыкара базарда Россия йөк ташу гражданнар авиациясен тәкъдим итә. Төркем составына Россиянең әйдәп баручы йөк ташу авиакомпанияләре керә, компания шулай ук йөк ташу белән бәйле чартер рейслары да ясый.
Кызыклы яңалыкларны күзәтеп бару өчен Телеграм-каналга язылыгыз