Рәсми Татарстан 18 февраль 2022 20:42

Миңнеханов «Татнефть»нең эшкәртүне 2 млн тоннага арттыру мөмкинлеге турында әйтте

Былтыр Татарстанда 34,5 млн тонна нефть чыгарылган һәм якынча 20 млн тонна нефть чималы эшкәртелгән.

Скопировать ссылку

(Казан, 18 февраль, «Татар-информ», Алексей Угаров). Узган ел йомгаклары буенча Татарстанда 34,5 млн тонна нефть чыгарылган һәм якынча 20 млн тонна нефть чималы эшкәртелгән. Шул ук вакытта республикада эшкәртү күләмнәрен арттыру өчен резервлар кала.

«Татнефть» компаниясенең эшкәртүне үстерү өлкәсендәге эшен билгеләп үтмичә калдыра алмыйм. Эшкәртүне 2 млн тоннага арттырырга резерв бар, дип ышанам. Моннан тыш, «Таиф-НК» компаниясе комплексны модернизацияләүне төгәлләде. «Таиф-НК»ның икътисади һәм күләмле күрсәткечләре артырга һәм яхшырырга тиеш», — диде Рөстәм Миңнеханов.

2021 ел йомгаклары буенча «Татнефть» төркеменә керүче «ТАНЕКО» нефть эшкәртү комплексы 12,4 млн тонна чимал эшкәрткән, «Таиф-НК» заводы — 7,2 млн тонна, Кичуйск нефть эшкәртү заводы — 0,2 млн тонна.

Сәхифәләр

Миңнеханов «Татнефть»нең эшкәртүне 2 млн тоннага арттыру мөмкинлеге турында әйтте