news_header_top_970_100
16+
news_header_bot_970_100

Рөстәм Миңнеханов Татарстан буенча Тикшерү идарәсенең яңа җитәкчесе белән очрашты

Валерий Липский Башкортстан буенча Тикшерү идарәсе җитәкчесе вазифасында эшләгән.

Рөстәм Миңнеханов  Татарстан буенча Тикшерү идарәсенең яңа җитәкчесе белән очрашты
tatarstan.ru

(Казан, 18 февраль, "Татар-информ"). Бүген Татарстан Республикасы Президенты Рөстәм Миңнеханов Россия Федерациясе Тикшерү комитетының Татарстан Республикасы буенча Тикшерү идарәсенең яңа җитәкчесе Валерий Липский белән очрашты. Бу турыда Татарстан Президенты матбугат хезмәте хәбәр итте.

Указга РФ Президенты Владимир Путин быелның 6 февралендә кул куйган. Моңарчы Валерий Липский Башкортостан буенча Тикшерү идарәсе җитәкчесе вазифасында булган.

Рөстәм Миңнеханов Валерий Липскийга яңа вазифасында уңышлар теләде, республикада законлылык һәм хокук тәртибе мәсьәләләре турында фикер алышты.

Очрашу Татарстан Республикасы Хөкүмәте йортында узды. Очрашуда Россия Федерациясе Тикшерү комитетының кадрлар идарәсе җитәкчесенең беренче урынбасары Юрий Ковязин, Татарстан Республикасы Президенты Аппараты җитәкчесе Әсгат Сәфәров һәм Татарстан Республикасы Иминлек Советы Секретаре Рафаил Гыйльманов катнашты.


autoscroll_news_right_240_400_1
autoscroll_news_right_240_400_2
news_bot_970_100