Миңнеханов Путинга барлык инвестиция программалары вакытында башкарылуын әйтте
Бүген республика Президенты «ТАНЕКО»да ике яңа җайланманы эшләтеп җибәрүдә катнашты.
(Казан, 17 апрель, «Татар-информ», Екатерина Ларионова). Татарстан барлык инвестицион программаларны вакытында тормышка ашырырга әзер. Бу хакта Татарстан Республикасы Президенты Рөстәм Миңнеханов Россия Президенты Владимир Путинга төбәкләрдә медицина учреждениеләре һәм койка-урыннарның әзерлеге турындагы киңәшмәдә хәбәр итте.
«Бүген мин Түбән Камага бардым, ике эре предприятиедә — «Түбән Кама нефтехимиясе»ндә һәм «ТАНЕКО» да булдым. Алар штат режимында эшли. Хезмәт коллективларының барлык иминлек мәсьәләләре дә үтәлә. Барлык инвестиция программалары да үз вакытында гамәлгә ашырыла», - диде Татарстан Президенты.
Аның сүзләренә караганда, бүген «ТАНЕКО» да ике яңа җайланманы эшләтеп җибәргәннәр. Шул ук вакытта төзелеш комплексы эше барлык саклык чараларын тәэмин итеп оештырылган.
Исегезгә төшерәбез, элегрәк «Татар-информ» Рөстәм Миңнехановның «ТАНЕКО»да дизель ягулыгы һәм бензин компонентларын чыгару буенча линияне эшләтеп җибәрүен хәбәр иткән иде.