Рәсми Татарстан 16 октябрь 2008 15:49

Рәшит Нургалиев: “Эчке эшләр министрлыгының штаб бүлекчәләре роле артачак”

Рәшит Нургалиев РФ субъектлары эчке эшләр министрлыклары, идарәләренең штаб бүлекчәләре башлыкларының, идарә эшчәнлеген камилләштерү проблемаларына багышланган киңәшмәдә катнашты

Скопировать ссылку

(Казан, 16 октябрь, “Татар-информ”, Гөлнар Гаттарова). Бүген РФ Эчке эшләр министры Рәшит Нургалиев, Татарстан Республикасы Эчке эшләр министрлыгында узган РФ субъектлары эчке эшләр министрлыклары, идарәләренең штаб бүлекчәләре башлыкларының, идарә эшчәнлеген камилләштерү проблемалары буенча бөтенроссия семинар-киңәшмәсендә катнашучыларны, үзе һәм РФ Эчке эшләр министрлыгы исеменнән, Россия Эчке эшләр министрлыгының штаб бүлекчәләре оешуга 90 ел тулу белән тәбрикләде. Министр хокук сакчыларына алдагы эшчәнлекләрендә сәламәтлек, бәхет һәм уңышлар теләде.
“Бүгенге көн шартларында Эчке эшләр министрлыгының штаб бүлекчәләре роле бары тик артачак. Беренче чиратта, бу хезмәтләр арасында хезмәттәшлекне ныгыту, аларның эшчәнлеген координацияләү, эчке эшләр министрлыгының башка ведомстволар белән элемтәләрен ныгытуның актуальлеге артуы белән бәйле”, - дип ассызыклый Рәшит Нургалиев.
Министр бүген һәм иртәгә семинар-киңәшмәнең тәҗрибә алмашу, фикер алышу өчен “түгәрәк өстәл” формасында дәвам итәчәген билгеләп узды.

Сәхифәләр

Рәшит Нургалиев: “Эчке эшләр министрлыгының штаб бүлекчәләре роле артачак”