Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Рөстәм Миңнеханов Үзбәкстан Президенты белән хезмәттәшлек турында фикер алышты
Татарстан белән Үзбәкстанның эшлекле хезмәттәшлек тарихы 1993 елда тиешле килешүгә кул куюдан башланды.
(Казан, 16 июнь, «Татар-информ»). Бүген Татарстан Республикасы Президенты Рөстәм Миңнеханов Ташкентка эш сәфәре кысаларында Үзбәкстан Президенты Шәүкәт Мирзияев белән очрашты һәм аның белән хезмәттәшлек мәсьәләләре турында фикер алышты. Бу хакта «Татар-информ»га ТР Президенты матбугат хезмәте җитәкчесе Лилия Галимова хәбәр итте.
Әңгәмә барышында Рөстәм Миңнеханов Россия - Үзбәкстан мөнәсәбәтләре кысаларында Татарстан белән хезмәттәшлекне үстерүгә күрсәткән игътибары һәм ярдәме өчен рәхмәт белдерде.
Татарстан белән Үзбәкстанның эшлекле хезмәттәшлек тарихы 1993 елда тиешле килешүгә кул куюдан башланды. Казанда Үзбәкстанның Генераль консуллыгы ачылды, Үзбәкстанда Татарстан вәкиллеге эшли. Казан һәм Ташкент - тугандаш шәһәрләр.
Агентлык әңгәмәдәше сүзләренчә, Татарстан Республикасы Президенты хезмәттәшлек елларында берничә Татарстан компаниясе белән уртак проектлар эшләнгәнлеген искә төшерде. Болар - КАМАЗ, «Татнефть», «ТАИФ», КМПО, Горький исемендәге Яшел Үзән судно төзү заводы, POZIS, «Татхимфармпрепараты», «Ак Барс холдинг», «Татспиртпром» һәм башкалар.
«Россия Федерациясе Президенты Владимир Владимирович Путин кушуы буенча мин җитәкли торган ”Россия-Ислам дөньясы” стратегик караш төркемендә Үзбәкстаннан вәкил катнаша», — дип искәртте Рөстәм Миңнеханов. Аның фикеренчә, ике илнең якынаюына бу мәйданчык та ярдәм итә.
Җавап итеп Шәүкәт Мирзияев Татарстанның идарә итү һәм башка инновацияләр чыганагы буларак әһәмиятенә игътибар итте. «Делегациябезнең Татарстанга һәр сәфәре республикабыз үсешенә яңа этәргеч бирә. Иң яхшы тәҗрибәләрне үзләштерсеннәр өчен сезнең төбәккә хезмәттәшләремне бик теләп җибәрәм», — диде Үзбәкстан Президенты.
Кызыклы яңалыкларны күзәтеп бару өчен Телеграм-каналга язылыгыз