Рәсми Татарстан 16 июнь 2021 13:33

Миңнеханов: Үзбәкстан белән товар әйләнешен күп тапкыр үстерәчәкбез

Татарстан Президенты Рөстәм Миңнеханов Үзбәкстан Премьер-министры Абдулла Арипов белән очрашты.

Скопировать ссылку

(Казан, 16 июнь, «Татар-информ»). Татарстан Республикасы Президенты Рөстәм Миңнеханов Үзбәкстан Республикасы Премьер-министры Абдулла Арипов белән очрашты. Бу турыда Татарстан Президентының матбугат хезмәте җитәкчесе Лилия Галимова хәбәр итте.

Рөстәм Миңнеханов искә төшергәнчә, апрель аенда Үзбәкстан Хөкүмәте башлыгы йөкләмәсе буенча Татарстанда Ташкент һәм Ташкент өлкәсе хакимнәре, торак-коммуналь хезмәт күрсәтү министры булган.

Миңнеханов сүзләренчә, бу очрашу территорияләр үсешенең төп юнәлешләре буенча тәҗрибә уртаклашырга мөмкинлек бирде һәм делегацияләрнең нәкъ менә шундый үзара сәфәрләре яңа тәҗрибә тупларга һәм эшлекле элемтәләр урнаштырырга мөмкинлек бирә.

«Без Үзбәкстан белән хезмәттәшлекне актив үстерәбез. Узган ел пандемия аркасында товар әйләнеше кимеде, аны процентларда түгел, ә берничә мәртәбә үстерәчәкбез», — диде Татарстан Президенты.

«Үзбәк-Россия мөнәсәбәтләре хәзер моңарчы күрелмәгән күтәрелеш кичерә. Сезнең җитәкчелектә Татарстан Республикасы Россия Федерациясенең иң уңышлы субъектларының берсе. Бүгенге сәфәр безнең мөнәсәбәтләрне тагын да тирәнәйтергә мөмкинлек бирәчәк», — диде Үзбәкстан премьер-министры.

Сәхифәләр

Миңнеханов: Үзбәкстан белән товар әйләнешен күп тапкыр үстерәчәкбез