Рөстәм Миңнеханов Росавтодор башлыгы белән юлларның сыйфатын арттыру турында сөйләште

Татарстан Президенты белән Федераль юл агентлыгы җитәкчесенең очрашуы республиканың Хөкүмәт йортында узды.

(Казан, 16 июнь, "Татар-информ"). Татарстан Президенты Рөстәм Миңнеханов Росавтодор башлыгы Роман Старовойт белән очрашты. Татарстан Президенты белән Федераль юл агентлыгы җитәкчесенең очрашуы республиканың Хөкүмәт йортында узды.

Очрашу барышында яклар Татарстанда юллар төзелеше проектларын тормышка ашыру, федераль һәм республка әһәмиятендәге юлларның сыйфатын, куркынычсызлыгын арттыру турында сөйләштеләр, дип җиткерә Президентның матбугат хезмәте.