Казанга Россия Хөкүмәте Рәисе урынбасары Ольга Голодец килде

Ольга Голодецның Казанга килүенең максаты - "WorldSkills Russia – 2014" һөнәри осталыкның икенче илкүләм чемпионаты ачылу тантанасында катнашу

 (Казан, 16 май, «Татар-информ»). Бүген Татарстан Республикасына Россия Федерациясе Хөкүмәте Рәисе урынбасары Ольга Голодец килде. Бу хакта ТР Президенты матбугат хезмәте хәбәр итә.

“Казан” халыкара аэропортында Россия вице-премьерын Татарстан Республикасы Премьер-министры Илдар Халиков һәм башка рәсми затлар каршы алды.

Ольга Голодецның Казанга килүенең максаты - "WorldSkills Russia – 2014" һөнәри осталыкның икенче илкүләм чемпионаты ачылу тантанасында катнашу. Бу чара тантаналы төстә бүген кич “Казан ярминкәсе” мәйданчыгында ачыла.

Моннан тыш, Ольга Голодец Казан (Идел буе) федераль университетының Фундаменталь медицина һәм биология институтында, мәгариф һәм сәламәтлек саклау өлкәсендәге башка объектларда булыр дип көтелә.