Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Миңнехановка Гарнизон госпитале территориясен төзекләндерү проектын тәкъдим иттеләр
Татарстан Президенты кешеләр йөрсен өчен парк зоналарын чикләү ярамавын искәртте.
(Казан, 16 апрель, «Татар-информ»). Татарстан Президенты Рөстәм Миңнеханов тарихи җирлекләрдә шәһәр төзелеше эшчәнлеге мәсьәләләре буенча комиссиянең чираттагы утырышын уздырды. Бу хакта республика җитәкчесенең матбугат хезмәте хәбәр итә.
Очрашу барышында региональ әһәмияттәге «Гарнизон госпитале» мәдәни мирас объекты территориясендә участокларны үстерү концепциясе каралды. Хәзерге вакытта комплексны реставрацияләүгә әзерләүдә проект һәм тикшеренү эшләре алып барыла.
Проект турында Казан архитекторы, Казанның тарихи җирлеген тотрыклы үстерү концепциясен эшләү проекты төркеме җитәкчесе Олег Маклаков сөйләде. Докладчы госпиталь белән янәшә булган территориядә торак комплексы төзүнең өч вариантын тәкъдим итте. Проект төркеме тарихи бакчаларның — Госпиталь паркының һәм Родион бакчасының үзара бәйләнешле һәм җәмәгатьчелек өчен ачык булу зарурлыгын билгеләп үтте.
Рөстәм Миңнеханов кешеләр хәрәкәте өчен парк зоналарын чикләүнең ярамавы турында искәртте.
«Парк зоналары гомуми кулланылыштагы территорияләр, алар һәркем өчен ачык булган объектлар булып калырга тиеш. Хәрәкәткә бернинди чикләүләр дә булырга тиеш түгел», - дип искәртте Татарстан Президенты.
Комиссиядә барлыгы 11 объект каралды, аларны Казанда төзү планлаштырыла. Шулай ук Зөя утрау-шәһәрчеге территориясендә урнашачак ике объект бар.
Кызыклы яңалыкларны күзәтеп бару өчен Телеграм-каналга язылыгыз