Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Калдыкларны термик эшкәртү заводына экспертиза нәтиҗәсе халык өчен ачык була
Казанда калдыкларны термик эшкәртү заводын төзү буенча экспертиза гыйнвар-февраль айларында Германия вәкилләре катнашында узачак.
![Калдыкларны термик эшкәртү заводына экспертиза нәтиҗәсе халык өчен ачык була](https://tatar-inform.tatar/resize/shd/images/uploads/news/2020/1/14/67c42435bbed16844d7d9bee3a4e683eb0d3a56907bb416bb971837c627d.jpg)
(Казан, 14 гыйнвар, «Татар-информ», Наталья Рыбакова). Татарстанда калдыкларны термик эшкәртү заводы проектына бәйсез халыкара экологик экспертиза Германия экспертлары катнашында узачак, аның нәтиҗәләре бар кешеләр өчен дә ачык булачак. Бу хакта бүген ТР Президенты Рөстәм Миңнеханов ТР Экология һәм табигать ресурслары министрлыгы һәм ТР Урман хуҗалыгы министрлыгының Казанда узган уртак утырышында хәбәр итте.
«Бүген калдыклар белән эшләү турында фикерләр күп. Калдыкларны термик зарарсызландыру буенча завод төзү турында карар кабул ителде. Бу эштә башка карар юк», — диде Рөстәм Миңнеханов.
ТР Экология һәм табигать ресурслары министрлыгы башлыгы Александр Шадриков Германиянең Федераль министры белән халыкара экологик экспертиза үткәрүдә ярдәм турында килешкән. «Бездә барлык проект документлары, экспертиза мәгълүматлары бар. Бәйсез халыкара экологик экспертиза ачык булачак, аның нәтиҗәләре гражданнарга җиткереләчәк», — диде Президент.
Александр Шадриков журналистларга Казан янында калдыкларны термик зарарсызландыру заводы проектына дөньякүләм танылган белгечләр җәлеп ителәчәк, ә аның нәтиҗәләре халыкка җиткереләчәк, дип белдерде.
«Гыйнвар ахырында-февраль башында Германия вәкилләре катнашында экспертиза узачак. Аның нәтиҗәләре турында без һичшиксез хәбәр итәрбез», — диде ул.
Кызыклы яңалыкларны күзәтеп бару өчен Телеграм-каналга язылыгыз