Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Миңнеханов мәдәни төрлелекне саклауның һәм үстерүнең мөһимлеген билгеләп үтте
Татарстан Президенты Тәтеш районында төзекләндерелгән Киртәле мәдәният йортында булды.
(Казан, 12 август, «Татар-информ»). Татарстанда республика халыкларының мәдәни төрлелеген саклау һәм үстерү өчен барлык мөмкинлекләрне кулланырга кирәк. Бу хакта Татарстан Президенты Рөстәм Миңнеханов Тәтеш районында булганда хәбәр итте.
Республика җитәкчесе районга сәфәрендә Киртәле мәдәният йортында булды. Ул 1972 елда төзелгән иде, ә быел аны мәдәни объектлар капиталь ремонты программасы буенча яңартканнар. Бинаны караганда, Татарстан Президенты авыл мәдәният йортлары җирле халыкны җәлеп итү үзәкләре булырга тиешлеген билгеләп үтте.
"Яңа бина төзү генә аз. Бу клуб кешеләрне җәлеп итү урынына әверелергә, мәдәниятне саклап калуга ярдәм итәргә тиеш», - диде Рөстәм Миңнеханов.
Республика җитәкчесе клубларда төрле милли берләшмәләр өчен урын булырга тиешлегенә игътибарны юнәлтте.
Авыл клубыннан чыккач, Татарстан Президенты җирле халык белән аралашты, аларга мәдәни һәм социаль объектлар турында кайгыртулары өчен рәхмәт белдерде.
Кызыклы яңалыкларны күзәтеп бару өчен Телеграм-каналга язылыгыз