Минтимер Шәймиев: Юрий Лужков Россия башкаласы мәнфәгатен лаеклы алып барды

Татарстан Дәүләт Киңәшчесе Мәскәүнең элеккеге мэры вафатына бәйле рәвештә кайгы уртаклашу белдерде.
(Казан, 10 декабрь, «Татар-информ», Надежда Гордеева). Юрий Лужков Россия башкаласы мәнфәгатен лаеклы алып барды һәм анда яшәүчеләр белән килешеп эшләде. Бу хакта бүген Казан Кремлендә узган матбугат конференциясендә Татарстан Дәүләт Киңәшчесе Минтимер Шәймиев белдерде. Татарстанның беренче Президенты Мәскәүнең элеккеге мэры Юрий Лужков вафатына бәйле рәвештә кайгы уртаклашу белдерде. «Ул Россиянең тугрылыклы улы һәм бөек хезмәткәре булган патриот. Ул кайда һәм кем булып эшләсә дә, барысын да яратып, зур теләк белән башкарды. Юрий Михайлович гомер буе хезмәт итте», - диде Минтимер Шәймиев. Татарстан Дәүләт Киңәшчесе шулай ук Юрий Лужков белән һәрвакыт дустанә мөнәсәбәттә булуын әйтте. 1992 елдан 2010 елга кадәр Россия башкаласын җитәкләгән Мәскәүнең элекке мэры Юрий Лужков бүген 84нче яшендә вафат булды.