^Татарстан Президентының республика Дәүләт Советында вәкиле булачак

^Татарстан Президентының республика Дәүләт Советында вәкиле булачак

(Казан, 10 июнь, "Татар-информ"). Кичә Минтимер Шәймиев ТР Дәүләт Советында Татарстан Республикасы Президентының тулы вәкаләтле вәкилен билгеләү турындагы Указга кул куйды.

Указда билгеләп үткәнчә, ТР Дәүләт Советында Татарстан Республикасы Президентының тулы вәкаләтле вәкиле Дәүләт Советында Татарстан Республикасының Президент Аппараты бүлекчәләре һәм ТР Министрлар Кабинеты вәкилләренең закон проекты эшчәнлеге, шулай ук ТР Дәүләт Советы һәм аның органнары белән хезмәттәшлеге мәсьәләләре буенча эшен координацияли. Указга закон эшчәнлеге өлкәсендә һәм Президент белән республика дәүләт хакимияте башкарма органнарының ТР Дәүләт Советы белән даими килешеп эшләвен тәэмин итү өчен, Татарстан Президентының конституция вәкаләтләрен тормышка ашыру максатында кул куелган.