Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Мишустин Минтимер Шәймиевкә «Алабуга» проектына ярдәм күрсәткәне өчен рәхмәт әйтте
Россия Премьер-министры илнең иң зур махсус икътисади зонасы территориясендә җомга көнне, 10 июльдә булачак.
(Казан, 9 июль, «Татар-информ»). РФ Премьер-министры Михаил Мишустин Татарстан Республикасы Дәүләт Киңәшчесе Минтимер Шәймиев белән эшлекле очрашу үткәрде, «Алабуга» махсус икътисади зонасын булдыру проектын хуплаганы өчен рәхмәт белдерде.
«Бүген без Рөстәм Миңнеханов белән клиник үзәкнең зур тизлекле төзелешен күрдек, шулай ук сез (Минтимер Шәймиев - Т.И.иск.) ТР Президенты булган вакытта «Алабуга»ны ачтык, дип искә төшерәсем килә. Мондый инновацион, куәтле проектларга күрсәткән системалы ярдәмегез өчен рәхмәт сезгә», - диде Мишустин.
РФ Хөкүмәте Рәисе 2005 елда «Алабуга» махсус икътисади зонасын оештыручыларның берсе булды. Ул чакта ул махсус икътисади зона белән идарә итү буенча Федераль агентлык җитәкчесе вазифасында эшләде. Җомга көнне, 10 июльдә, Михаил Мишустин махсус икътисади зона территориясендә булуны һәм аның үсеш темплары белән танышачак.
РФ Премьер-министры бүген ике көнлек эш сәфәре белән Татарстанга килде. Иртән ул ТР Президенты Рөстәм Миңнеханов белән бергә Казанда төзелә торган Агафонов исемендәге Республика клиник йогышлы авырулар хастаханәсенең икенче корпусын карап чыкты.
Кызыклы яңалыкларны күзәтеп бару өчен Телеграм-каналга язылыгыз