Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Алексей Песошин Тукай районының пандемия чорындагы уңышларын уңай бәяләде
Татарстан Республикасы Премьер-министры сүзләренчә, 2020 ел нәтиҗәләре буенча муниципалитет макроикътисади күрсәткечләрнең уңай динамикасын саклап калган бик аз районнарның берсе.
(Казан, 9 февраль, «Татар-информ»). 2020 ел нәтиҗәләре буенча Тукай районы макроикътисади күрсәткечләрнең уңай динамикасын саклап калган Татарстанның бик аз муниципалитетларының берсе булып тора. Бу хакта республика Премьер-министры Алексей Песошин Тукай районы Советы утырышында белдерде, дип хәбәр итә республика җитәкчесенең матбугат хезмәте.
Чара Чаллы шәһәрендә «Энергетик» мәдәният йорты мәйданчыгында узды. Чара башланганчы Алексей Песошин районның сәнәгать һәм авыл хуҗалыгы предприятиеләре продукциясе күргәзмәсе, шулай ук муниципалитетның 45 еллык юбилеена багышланган экспозиция белән танышты.
Республика Премьер-министры үз чыгышында районның агросәнәгать комплексындагы, халыкның эшлекле активлыгын үстерүдәге һәм территориянең инвестицион җәлеп итүчәнлеген арттыру өлкәсендәге уңышларын билгеләп үтте.
Татарстан Хөкүмәте башлыгы районда булган проблемаларга да, шул исәптән сәламәтлек саклау өлкәсендә кадрлар мәсьәләсе һәм салым бурычларына да кагылды. Ул үз чыгышында районда булган хезмәт хакы белән бәйле проблемаларны да искә төшерде. Халыкның 13,2 проценты минималь хезмәт хакы дәрәҗәсеннән азрак керемгә ия.
Соңыннан Премьер-министр Тукай районында яшәүчеләргә республиканың социаль-икътисади үсешенә зур өлеш керткәннәре өчен рәхмәт белдерде һәм алдынгыларга Татарстанның дәүләт бүләкләрен тапшырды.
Кызыклы яңалыкларны күзәтеп бару өчен Телеграм-каналга язылыгыз