Рөстәм Миңнеханов Татарстанда сәнәгать өлкәсендә нәтиҗәлелекне арттыру бурычын куйды

«Инновацияләр кертү, җитештерүне цифрлаштыру, экспортны арттыру мөһим», — диде Президент.

(Казан, 8 октябрь, «Татар-информ», Зилә Мөбәрәкшина). Татарстан Президенты республиканың сәнәгать өлкәсендә җитди бурычлар торуын, нәтиҗәлелекне һәм хезмәт җитештерүчәнлеген арттырырга кирәклеген әйтте.

«Инновацияләр кертү, җитештерүне цифрлаштыру, экспортны арттыру мөһим. Республика экспорты структурасының 70 процентын диярлек нефть, нефть продуктлары һәм нефть химиясе продукциясе алып тора», — диде ул ТР Дәүләт Советына Юлламасында.

Ул Татарстанда сәнәгать предприятиеләренең 1 млрд сумнан артык табышы барлыгын әйтте. «Беренче чиратта, химия, машина төзелешендә, шулай ук хәләл-индустриядә югары эшкәртелгән продукция китерү хезмәтен арттырырга кирәк», — ди ул.

«Импорт үсешен дә арттырырга кирәк. Бүгенге көндә импортның өчтән берен машина төзелеше продукциясе тәшкил итә. Сәнәгать куркынычсызлыгын контрольдә тотарга кирәк. Соңгы елларда Татарстан сәнәгать объектларында берничә очрак булды. Бу — оешма җитәкчеләренең шәхси җаваплылыгы», — диде Президент.

Рөстәм Миңнеханов кадрлар белән тәэмин итүнең дә мөһим булуын искәртте. «Бу сорау республиканың күп кенә компанияләрендә җитди борчу тудыра» — диде.