Владимир Путин Россия Төбәкләр үсеше министрлыгын юкка чыгарды

РФ Президенты указында әйтелгәнчә, министрлык, дәүләт идарәсе системасын алга таба камилләштерү максатларында, бетерелә

 (Казан, 8 сентябрь, «Татар-информ»). Россия Президенты Владимир Путин Россия Төбәкләр үсеше министрлыгын юкка чыгарды. Тиешле указ дәүләт башлыгы сайтында урнаштырылган.

Документта хәбәр ителгәнчә, министрлык, "дәүләт идарәсе системасын алга таба камилләштерү максатларында", бетерелә.

Указда әйтелгәнчә, бетерелгән министрлыкның функцияләре төрле юнәлешләр буенча РФ Икътисади үсеш, РФ Финанс, РФ Төзелеш һәм ТКХ, РФ Юстиция министрлыкларына тапшырыла.  

Указ имзаланган көннән үз көченә керә.