Рөстәм Миңнеханов Казанның Бутлеров урамындагы тарихи биналарны карады

(Казан, 8 май, «Татар-информ»). Татарстан Президенты Рөстәм Миңнеханов бүген Казанның Бутлеров урамындагы тарихи биналарны карады. Бу хакта ул Twitter социаль челтәрендә белдергән.

ТР Президентын Татарстан сәламәтлек саклау министры Гадел Вафин, ТР Президенты ярдәмчесе Олеся Балтусова һ.б.лар озатып йөрде.

Рөстәм Миңнеханов академик В.М.Бехтерев исемендәге Республика клиник психиатрия хастаханәсен, медицина шәһәрчеген, «ГИДУВ» КДМА Консультатив-диагностика үзәген, Казан Галимнәр йортын, Вахитов скверын күздән кичерде.

Татарстан Республикасы Сәламәтлек саклау министрлыгының "В.М.Бехтерев исемендәге Республика клиник психиатрия хастаханәсе" дәүләт автоном сәламәтлек саклау учреждениесе - борынгы психиатрия учреждениесе.
Татарстан Республикасы Сәламәтлек саклау министрлыгының "В.М.Бехтерев исемендәге Республика клиник психиатрия хастаханәсе" урын фондлары буенча Россиядә иң эре дәвалау учреждениесе, аның 5 филиалы бар - алар Әлмәт, Бөгелмә, Яшел Үзән, Чаллы һәм Түбән Камада. Хастаханәдә яхшы җиһазланган лаборатория, диагностика бүлмәләре, массаж һәм дәвалау-физкультура кабинетлары булган физиотерапия бүлеге бар. Пациентларга төрле махсус медицина ярдәме күрсәтелә.

Фотосурәт prav.tatarstan.ru сайтыннан алынды.