Рөстәм Миңнеханов Россия-Мисыр эшлекле советы рәисе Михаил Орлов белән очрашты

Очрашу кысаларында сәүдә һәм инвестицияләр өлкәсендә проектлар әзерләү буенча хезмәттәшлек мәсьәләләре хакында фикер алыштылар.

(Казан, 7 ноябрь, «Татар-информ»). Татарстан Республикасы Президенты Рөстәм Миңнеханов Россия-Мисыр эшлекле советы рәисе Михаил Орлов белән очрашты. Бу хакта Татарстан Президентының матбугат хезмәте хәбәр итә.

Очрашу кысаларында анда катнашучылар Мисыр компанияләре белән эшлекле элемтәләрне үстерү буенча уртак гамәлләр кылу, шулай ук сәүдә һәм инвестицияләр өлкәсендә проектлар әзерләү буенча хезмәттәшлек мәсьәләләре хакында фикер алышты.

Очрашуда шулай ук Татарстан вице-премьеры – сәнәгать һәм сәүдә министры Альберт Кәримов, Татарстан Президенты ярдәмчесе Радик Гыйматдинов, Татарстан Сәүдә-сәнәгать палатасының идарә рәисе Шамил Агиев, Татарстан Инвестицион үсеш агентлыгы җитәкчесенең беренче урынбасары Инсаф Галиев катнашты.