Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Рөстәм Миңнехановка Иннополиста яңа төзелеш проектын күрсәттеләр
Архитекторлар сәүдә биналарының һәм күңел ачу мәйданчыкларының мәйданын арттырырга тәкъдим итте.
(Казан, 7 октябрь, «Татар-информ»). Татарстан Президенты Рөстәм Миңнехановка бүген Иннополисны киләчәктә үстерү проектын тәкъдим иттеләр. Казанның спутник-шәһәрен төзү планын «Т+Т» архитектура бюросы белгечләре әзерләгән. Бу турыда республика җитәкчесенең матбугат хезмәте хәбәр итә.
Фикер алышу Татарстан Республикасы Хөкүмәте Йортында узды. Анда Татарстан Премьер-министры Алексей Песошин да катнашты.
Рөстәм Миңнехановка яңа торак кварталлары проектларын күрсәттеләр. Алар уртача биеклектәге арендага йортларны, шулай ук эконом- һәм комфорт-класслы шәхси йортларны төзүне күздә тота.
Параллель рәвештә офислар һәм фәнни-җитештерү үзәкләре төзү күздә тотыла. Әлегә күпфункцияле комплекс һәм офис-җитештерү кластерын төзергә карар иткәннәр.
Моннан тыш, архитекторлар сәүдә биналарының һәм күңел ачу мәйданчыкларының мәйданын арттырырга тәкъдим итте. Сүз шул исәптән Иннополиста аутлет-авыл булдыру турында да бара.
Татарстан Президенты сүзләренчә, шәһәрнең торак фонды беренче чиратта анда эшләүчеләргә юнәлтелергә тиеш. Димәк, торак һәм эш урыннары балансын төгәл үтәргә кирәк. Моннан тыш, Рөстәм Миңнеханов инженерлык һәм социаль инфраструктура объектларын системалы үстерү зарурлыгын әйтте.
Кызыклы яңалыкларны күзәтеп бару өчен Телеграм-каналга язылыгыз