Путин Россия командасына Казанда Универсиадада уңышлар теләде

“Сездән бары тик җиңү көтәләр”, - дип билгеләп үтте дәүләт башлыгы

  (Казан, 7 июль, «Татар-информ»). Россия Президенты Владимир Путин Россия җыелма командасына Казанда Бөтендөнья җәйге студентлар уеннарында уңышлар теләде.
Kazan-Arena стадионында Уеннар ачылышы тантансында Путин Россия җыелма команда вәкилләре белән очрашты. Аны барлык спорт төрләре буенча команданы тәкъдим итүче 20 дән артык егет һәм кыз көтеп тора иде. Дәүләт башлыгы спортчыларны сәламләп, аларның кәефләре белән кызыксынды.
“Отабызмы?” – дип сорады Путин. Аңа җиңү өчен барысын да эшләячәкбез, дип җавап бирделәр. “Сездән бары тик җиңү генә көтәләр”, дип билгеләп үтте РФ Президенты. Кыска очрашуда ул спортчыларга уңышлар теләде һәм Универсиада ачылу тантанасын карарга чакырды.
Путин җыелма команда вәкилләре белән фотога төште, аннары тантаналы чарада катнашу өчен трибунага юнәлде, дип хәбәр итә “Р-Спорт” агентлыгы махсус “Казан 2013” яңалыклар рәсми хезмәте өчен.