Рәсми Татарстан 5 октябрь 2021 17:01

Алексей Песошин Казанның 175 нче гимназиясе хезмәткәрләренә дәүләт бүләкләре тапшырды

Казанның 175нче гимназиясе педагогларына һәм хезмәткәрләренә «Татарстан Республикасы алдындагы казанышлар» өчен орден-медальләре, Татарстан Республикасы Президентының Рәхмәт хатлары тапшырылды.

Скопировать ссылку

(Казан, 5 октябрь, «Татар-информ»). Татарстан Премьер-министры Алексей Песошин Казанның 175 нче гимназиясе педагогларына һәм хезмәткәрләренә Татарстан Республикасының дәүләт бүләкләрен тапшырды.

Бүләкләү тантанасы республиканың Хөкүмәт Йортында узды, дип хәбәр итә Татарстан Президентының матбугат хезмәте.

Алексей Песошин гимназия укытучыларын һәм хезмәткәрләрен Халыкара укытучылар көне белән котлады. Ул аларга авыр хезмәтләре өчен рәхмәт әйтте, нык сәламәтлек, ниятләренең тормышка ашуын теләде.

«Безнең һәммәбезнең мөгаллимнәре, беренче укытучысы, безне ниндидер мөһим нәрсәләргә өйрәтүчеләр булды. Шуңа күрә, һөнәрегезгә тугры, фидакарь булуыгыз, балаларга мәхәббәтегез өчен рәхмәт сезгә», — диде Алексей Песошин.

Педагогларны Премьер-министр урынбасары Ләйлә Фазлыева да тәбрикләде.

Сәхифәләр

Алексей Песошин Казанның 175 нче гимназиясе хезмәткәрләренә дәүләт бүләкләре тапшырды