Рөстәм Миңнеханов Мәскәүдә «Комтранс-2017» халыкара күргәзмәсендә булды

Биредә Татарстан техникасы да тәкъдим ителде.
(Казан, 5 сентябрь, "Татар-информ"). Бүген Татарстан Республикасы Президенты Рөстәм Миңнеханов Мәскәүгә эш сәфәре кысаларында «Комтранс-2017» халыкара коммерция автотранспорты күргәзмәсендә булды.Аерым алганда, Рөстәм Миңнеханов "КАМАЗ" җәмгыятенең иң яңа авыр йөк машинасы – К5 кабиналы КАМАЗ-54901 моделен тәкъдим итүдә катнашты. Презентациядә К5 кабинасына игътибарны җәлеп иттеләр, ул машина йөртүчегә уңайлы шартлар тудыра."КАМАЗ" җәмгыяте гадәттәгечә төрле автотехника тәкъдим итте: пассажирлар өчен транспорт, яңа электр автобусы (электробус).Күргәзмәдә "КАМАЗ" җәмгыяте шулай ук КАМАЗ-6282 электробусын тәкъдим итәчәк, аның тышкы һәм эчке бизәлешен үзгәрткәннәр. Икенче буын электробусы Drive Electro Мәскәү компаниясе белән эшләнде һәм "Мострансавто" берләшмәсендә тест узган. Бу хакта Президентның матбугат хезмәте җиткерә.