Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Миңнеханов: Махсус Олимпиада мөмкинлекләре чикле кешеләргә социаль адаптация бирәчәк
Мәскәүдә Казанда булачак халыкара ярышларга әзерлек һәм аны уздыру буенча оештыру комитеты утырышы узды.
(Казан, 5 февраль, «Татар-информ»). Татарстан Бөтендөнья кышкы Махсус Олимпиадасын югары дәрәҗәдә уздыру өчен кулдан килгәннең барысын да эшләячәк.
Бу хакта Мәскәүдә Халыкара ярышларга әзерлек һәм аны уздыру буенча оештыру комитеты утырышында ТР Президенты Рөстәм Миңнеханов әйтте, дип хәбәр итә республика җитәкчесенең матбугат хезмәте.
«Безнең өчен Бөтендөнья кышкы Махсус Олимпия уеннарын уздыру - зур җаваплылык. Без беренче тапкыр интеллектуаль үсеш үзенчәлекләре булган кешеләр өчен халыкара ярыш уздырабыз», - диде Рөстәм Миңнеханов чыгыш ясаганда.
Ул республика кунакларга һәм катнашучыларга «искиткеч спорт объектлары, бик яхшы үсеш алган инфраструктура һәм, һичшиксез, иң танылган казанышыбыз — кунакчыллык һәм ачык йөз»тәкъдим итәчәген искәртте. Татарстанда киң мәдәни һәм экскурсия программалары оештырылачак.
Утырышны оештыру комитеты башлыгы, РФ Хөкүмәте Рәисе урынбасары Дмитрий Чернышенко алып барды. Ул Бөтендөнья кышкы Махсус Олимпия уеннарын уздыру - җәмгыять игътибарын үсеш үзенчәлекләре булган кешеләргә юнәлтү, шулай ук алар өчен спорт ареналарында да, көндәлек тормышта да иң яхшы шартлар тудыру өчен уникаль мөмкинлек булуын әйтте.
Чернышенко Татарстанның зур халыкара ярышлар уздыру буенча иң алдынгы тәҗрибәгә ия булуын искәртте.
Бөтендөнья кышкы Махсус Олимпиада 2022 елның 22 гыйнварында старт ала. Анда 107 илдән мөмкинлекләре чикләнгән 2 меңнән артык атлет һәм юнифайд-партнерлар катнашыр дип планлаштырыла.
Кызыклы яңалыкларны күзәтеп бару өчен Телеграм-каналга язылыгыз