Рөстәм Миңнеханов Бөтенроссия татар дин әһелләре форумының пленар утырышында катнаша

Бөтендөнья татар конгрессының Милли шура рәисе Васил Шәйхразыев утырышны ачып җибәреп, Татарстаннан, Россиянең 72 төбәгеннән 1200 делегат катнашуын әйтте.

Скопировать ссылку

(Казан, 4 июнь, «Татар-информ», Гөлнар Гарифуллина). «Милли тормыш һәм дин» XI Бөтенроссия татар дин әһелләре форумының пленар утырышында Татарстан Президенты Рөстәм Миңнеханов, ТР Дәүләт Киңәшчесе Минтимер Шәймиев катнаша. Бу минутларда утырыш «Казан Экспо» үзәгендә ачылды.

«922 елда кабул ителгән ислам дине милләтне берләштерүдә, телне, гореф-гадәтләрне саклауда зур роль уйный. Киләсе елда ислам кабул итүнең 1100 еллыгын билгеләп үтәбез. 1100 ел дәвамында ата-бабаларыбыз бервакытта да бу карарыннан кире чигенми. Халкыбызга бик күп асыл сыйфатлар ислам дине аша кергән», — диде Васил Шәйхразыев.

Ул быел халык санын алу узачагын әйтте. Конгрессның булачак җанисәп алдыннан бөтен Россия татарларына мөрәҗәгать белән чыкканын искәртте.

Утырышта Яшел Үзән имам-мөхтәсибе Габделхәмит хәзрәт Коръән укыды.

Сәхифәләр

Рөстәм Миңнеханов Бөтенроссия татар дин әһелләре форумының пленар утырышында катнаша