Рөстәм Миңнеханов Чаллыда яңа бассейн ачты
Бассейн ТАССРның 100, Бөек Җиңүнең 75, Чаллыга шәһәр статусы бирелүнең 90 һәм КАМАЗның 50 еллыгы хөрмәтенә «Юбилейный» дип аталган.
- ВКонтакте
- Telegram
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- РњРѕР№ Р В Р’В Р РЋРЎв„ўР В Р’В Р РЋРІР‚ВВВВВВВВРЎР‚
Скопировать ссылку
(Казан, 4 июнь, «Татар-информ»). Бүген Татарстан Президенты Рөстәм Миңнеханов Чаллыда яңа бассейн ачылышында катнашы. Әлеге объект 2020 елда «Спорт — яшәү нормасы» федераль проекты буенча республикада төзелгән спорт корылмалары арасында иң зурысы булды.
«Су спорты төрләре Татарстанда аеруча популяр, шуңа күрә „Юбилейный“ яңа чемпионнар әзерләргә ярдәм итәчәк», — диде Рөстәм Миңнеханов тантана вакытында. Ул Россия Президенты Владимир Путинга Татарстанның барлык инициативаларын һәм проектларын хуплавы өчен рәхмәт белдерде.
Бассейн 2020 елда билгеләп үтелә торган берничә вакыйга: ТАССР төзелүнең 100 еллыгы, Бөек Ватан сугышында Җиңүнең 75 еллыгы, шулай ук Чаллыга шәһәр статусы бирелүнең 90 еллыгы һәм Кама автомобиль заводлары комплексына нигез салынуның 50 еллыгы уңаеннан «Юбилейный» дип атала.
Бассейн бер ел эчендә диярлек төзелеп беткән, монда көненә 600дән артык кеше йөзү белән шөгыльләнә алачак. Спорт корылмасы сәламәтлек мөмкинлекләре чикле кешеләр өчен дә яраклаштырылган.
Яңа бассейнны ачу тантанасында видеоконференция режимында Россиянең вице-премьеры Дмитрий Чернышенко, РФ спорт министры Олег Матыцин һәм Бөтенроссия йөзү федерациясе президенты Владимир Сальников та катнашты.