Миңнеханов Instagram социаль челтәрендәге битендә Татарстан күренешләрен урнаштырды

Видеороликта Татарстан кырлары, калкулыклар, елгалар һәм шәһәрләр фотолары татар халык җыры - «Минзәлә көе» музыкасына бер-берсен алыштыра.

(Казан, 3 август, «Татар-информ»). Татарстан Президенты Рөстәм Миңнеханов (ул бүгенге көндә ялда) Instagram социаль челтәрендәге үз сәхифәсендә республика күренешләрен урнаштырды.

Видеороликта Татарстан кырлары, калкулыклар, елгалар һәм шәһәрләр татар халык җыры — «Минзәлә көе» музыкасы астында бер-берсен алыштыра. «Иң матур республика!» — дип язып куйган ТР Президенты видеоролик астына.

«Татар-информ» агентлыгы Рөстәм Миңнехановның 1 августтан ялга китүе хакында элегрәк хәбәр иткән иде.