Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
«Урал сандугачы» төбәкара фестиваль-конкурсына гаризалар кабул итү башланды
Бәйге Свердловск дәүләт өлкә Халык иҗаты сараеның зур залында була.
(Казан, 3 февраль, «Татар-информ»). 12-13 мартта Екатеринбургта татар җыры һәм инструменталь музыка башкаручыларның «Урал сандугачы» XV төбәкара юбилей фестиваль-конкурсы уза.
Конкурс Татарстан Республикасы һәм Свердловск өлкәсенең Мәдәният министрлыклары, Бөтендөнья татар конгрессы Башкарма комитеты, Татарстан Республикасының Свердловск өлкәсендәге Даими вәкиллеге, «Свердловск өлкәсе татарлары конгрессы (Урал татарлары)» региональ иҗтимагый оешмасы ярдәме белән оештырыла.
Чара Свердловск дәүләт өлкә Халык иҗаты сараеның зур залында, Екатеринбург шәһәре, Фестивальная урамы, 12 нче йорт адресы буенча үткәрелә, дип хәбәр итте Татарстан Республикасының Свердловск өлкәсендәге Даими вәкиллеге.
Фестиваль-конкурста катнашырга солистлар һәм инструменталистлар — узган еллардагы «Урал сандугачы» фестиваленең Гран-при ияләре, I, II, III дәрәҗә лауреатлары һәм махсус приз белән бүләкләнүчеләре чакырыла.
Фестиваль-конкурста катнашу өчен гаризалар 2022 елның 5 мартына кадәр кабул ителә, диелә хәбәрдә.
Кызыклы яңалыкларны күзәтеп бару өчен Телеграм-каналга язылыгыз