Рөстәм Миңнехановка Татар транспорт прокуратурасының яңа җитәкчесен тәкъдим иттеләр
Ведомствоның яңа башлыгын Идел буе транспорт прокуроры вазифаларын башкаручы Андрей Неговора тәкъдим итте.
- ВКонтакте
- Telegram
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- РњРѕР№ Р В Р’В Р РЋРЎв„ўР В Р’В Р РЋРІР‚ВВВВВВВВРЎР‚
Скопировать ссылку
(Казан, 2 июль, «Татар-информ»). Бүген Татарстан Президенты Рөстәм Миңнеханов Татар транспорт прокуратурасының яңа җитәкчесе Василий Добротин белән очрашты. Очрашу ТР Хөкүмәте йортында узды. Бу хакта ТР Президентының матбугат хезмәте хәбәр итә.
Ведомствоның яңа башлыгын Идел буе транспорт прокуроры вазифаларын башкаручы Андрей Неговора тәкъдим итте. Ул Василий Добротинның прокуратура органнарында 2000 ел башыннан бирле эшләвен әйтте. Соңгы 10 елда Добротин Владимир транспорт прокуратурасын җитәкләгән. «Безнең структурадагы иң тәҗрибәле хезмәткәр», — дип искәртте Андрей Неговора.
Рөстәм Миңнеханов Василий Добротинны җаваплы яңа вазифага билгеләнүе белән котлады һәм эшендә уңышлар теләде.
