Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Рөстәм Миңнеханов табигать һәм экологик туризм өлкәсендәге эшкуарлар белән очрашты
Татарстан Республикасы Президенты Рөстәм Миңнеханов экотуризм кебек юнәлешнең үсешен хуплады һәм уңай бәяләде.
(Казан, 2 март, «Татар-информ»). Татарстан Республикасы Президенты Рөстәм Миңнеханов Татарстан Республикасында табигать һәм экологик туризм өлкәсен үстерүче эшкуарларның сорауларына һәм тәкъдимнәренә җавап бирде.
Эшкуарлык җәмәгатьчелеге белән очрашу кичә Яшел Үзән районының Васильево бистәсендә «Best Glamp» глэмпинг территориясендә узды, дип хәбәр итте Татарстан Президентының матбугат хезмәте.
Татарстан Республикасы Президенты Рөстәм Миңнеханов экотуризм кебек юнәлешнең үсешен хуплады һәм уңай бәяләде. Аның сүзләренә караганда, бүген бу юнәлеш бик кирәк, бигрәк тә Татарстанда, чыннан да, глэмпинг кебек ял төрен оештыру өчен матур урыннар күп.
Ул, аерым алганда, төбәк территориясендә дә, тулаем ил буенча да глэмпингның уңышлы практикалары каталогын булдырырга тәкъдим итте.
Инженерлык инфраструктурасын үстерү мәсьәләләрен хәл итүгә килгәндә, Рөстәм Миңнеханов фикеренчә, комплекслы якын килү кирәк. Ул Татарстанда булган бакчачылык ширкәтләренә керү юлларын төзү тәҗрибәсен, шулай ук бакчачылык ширкәтләрендә (электр, су, каты көнкүреш калдыкларын чыгару һ.б.) инфраструктураны үстерү тәҗрибәсен нигез итеп алырга тәкъдим итте.
Россия глэмпинглары ассоциациясе президенты Жанна Кира сөйләвенчә, Россиядә глэмпинг инде 6 елга якын үсә, бу — тиз үсә торган базар. Бүгенге көндә илдә 150дән артык глэмпинг бар. Очрашуның модераторы Татарстан Республикасы Президенты ярдәмчесе Наталия Фишман-Бекмамбетова булды.
Глэмпинг – кунакханә һәм туризм тармагының яңа һәм тиз үсә торган индустриясе. Югары сервислы югары комфортлы кемпингка туристлар һәм сәяхәтчеләр арасында ихтыяҗ бар.
Кызыклы яңалыкларны күзәтеп бару өчен Телеграм-каналга язылыгыз