Рөстәм Миңнеханов Владимир Путинның Федераль Җыенга Юлламасын җиткерү чарасында катнашачак

Татарстан Президенты Мәскәүгә эшлекле сәфәр кыла.

 (Казан, 1 декабрь,  "Татар-информ", Арсений Маврин). Бүген Татарстан Президенты Рөстәм Миңнеханов Мәскәүгә эшлекле сәфәргә китте.

Ул Россия Президенты Владимир Путинның Россия Федераль Җыенына еллык Юлламасын җиткерү җыелышында катнашачак. Бу хакта Татарстан Хөкүмәтенең рәсми сайты хәбәр итә.

Илнең Конституциясе буенча Россия Президенты ел саен парламентка мөрәҗәгать белән чыгарга тиеш. Ул документта сүз илдәге вәзгыять һәм якындагы вакытка эчке һәм тышкы сәясәт юнәлешләре турында бара, сәясәт, икътисад, идеология, законнар чыгаруга кагылышлы тәкъдимнәр яңгыратыла.