Татарстан Президенты туган көнен билгеләп үтә

Рөстәм Миңнехановка 57 яшь тулды

(Казан, 1 март, “Татар-информ”). Бүген Татарстан Президенты Рөстәм Миңнеханов туган көнен билгеләп үтә.
 Ул 1957 нче елның 1 нче мартында Татарстан АССРның Балык Бистәсе районы Яңа Арыш авылында дөньяга килгән.

1978 нче елда Казан авыл хуҗалыгы институтын тәмамлаган (“авыл хуҗалыгы механизациясе” белгечлеге, “инженер-механик” квалификациясе).

 1986 нчы елда Читтән торып белем алу совет сәүдәсе институтын тәмамлаган (“товарны өйрәнү һәм азык-төлек товарлары белән сәүдә итүне оештыру” белгечлеге, “югары квалификацияле товар белгече” (Мәскәү шәһәре).

1978-80 нче елларда Саба районының “Авыл хуҗалыгы техникасы” берләшмәсе инженер-диагностигы булып эшли. 1980-83 нче елларда – Саба урман сәнәгате хуҗалыгының өлкән энергетигы, баш энергетик. 1983-85 нче елларда Саба район кулланучылар җәмгыяте идарәсе рәисе урынбасары вазифаларын башкара. 1985-90 нчы елларда – Арча районы кулланучылар җәмгыяте идарәсе рәисе. 1990-92 нче елларда Арча районы башкарма комитеты рәисе вазифасын били, 1992-93 нче елларда Арча районы хакимияте башлыгының беренче урынбасары булып эшли. 

1993-96 нчы елларда – Биектау районы хакимияте башлыгы. 1996-98 нче елларда – ТР финанс министры. 1998 нче елда Татарстан Республикасы Хөкүмәтен җитәкли. 2010 нчы елның 25 нче мартыннан Рөстәм Миңнеханов – Татарстан Республикасы Президенты.

Өйләнгән, улы бар. Автоспорт белән шөгыльләнә. Атказанган спорт мастеры. 

“Татар-информ” МА Рөстәм Нургали улы Миңнехановка адресланган күп санлы котлаулаурга кушыла.