Нюша: Татарстанны Россиянең башка төбәкләренә үрнәк итеп куярлык
Танылган җырчы, 2018 елгы Дөнья чемпионаты илчесе Казанның елдан-ел үзгәрә баруына соклануын яшермәде.
Скопировать ссылку
(Казан, 22 июнь, “Татар-информ”, Фәрит Салихов). Танылган җырчы, Футбол буенча 2018 елгы дөнья чемпионаты илчесе Нюша Казанны яраткан шәһәрләренең берсе булуын җиткерде. Бу хакта Нюша Конфедерацияләр кубогына аккредитация узмаган журналистлар өчен уздырылган матбугат конференциясе вакытында җиткерде.
“Казанның елдан-ел үзгәрә баруын күзәтәм һәм сокланам. Гомумән, Татарстанны төрле яктан Россиянең башка төбәкләренә үрнәк итеп куярлык”, – диде Нюша.
Бүген “Казан-Арена”да футбол матчын тамаша кылырга җыенучы җырчыдан шәһәрнең кимчелекле яклары турында сорагач: “Менә аларын әйтә дә алмыйм”, – дип җавап бирде.
Исегезгә төшерәбез, 17 июнь – 2 июль көннәрендә Россиянең дүрт шәһәре – Мәскәү, Санкт-Петербург, Сочи һәм Казанда футбол буенча Конфедерацияләр кубогы уеннары уза.