Нью-Йоркта Сабан туе 16 июньдә узачак
Рәсми булмаган мәгълүматларга караганда, ел саен Нью-Йорк Сабан туе 300-500 кешене җыя.
Скопировать ссылку
(Казан, 2 май, "Татар-информ"). Нью-Йорк шәһәрендә быел Сабан туе 16 июньдә узачак. Бу хакта "Татар-информ" мәгълүмат агентлыгына милли бәйрәмне алып баручы Ильмир Әхмәтҗанов хәбәр итте.
Нью-Йорк Сабан туена Американың башка штатларыннан да кунаклар җыела. 2015 елда, мисал өчен, бәйрәмдә Нью-Джерси, Коннектикут, Мэриленд, Пенсильвания штатларыннан катнашучылар булган. Рәсми булмаган мәгълүматларга караганда, ел саен Нью-Йорк Сабан туе 300-500 кешене җыя.