news_header_top
16+
news_header_bot
news_top

Нурлаттагы футбол мәйданчыкларының төзелеше төгәлләнергә тора

Моннан тыш, әлеге кырларда тренажерлар урнаштыру эшен дә дәвам итәсе бар

 (Казан, 14 ноябрь, “Татар-информ”). Нурлат шәһәренең 2, 8 нче урта мәктәпләре һәм гимназия территорияләрендә төзелеп килүче спорт мәйданчыкларын караган район башкарма комитеты җитәкчесе Равил Кузюров эшләрне якын арада төгәлләргә кушты.
- Шәһәрнең 2 һәм 8 нче мәктәпләрендә ясалма өслекле футбол кырларының нигезе ясалып бетте, - ди район мәгариф идарәсе начальнигы Габделгазиз Юнысов. – Һава шартларына бәйле рәвештә гимназиядә эшләр авыррак бара. Әлегә биредә дренаж ясау стадиясендә. Моннан тыш, әлеге кырларда тренажерлар урнаштыру эшен дә дәвам итәсе бар. Бу эшләрне якын арада төгәлләрбез, дип планлаштырабыз, - ди ул.
Бу хакта “Дуслык” газетасы хәбәр итә.

news_right_1
news_right_2
news_bot