Спорт 21 июль 2018 01:00

Нурлатта Шахматчылар көнен уен өстәлләре артында билгеләп үттеләр

Турнирда шахмат уены белән мавыгучы 26 бала катнаша, җиңү өчен аларга 5 турны уңышлы үтәргә кирәк булачак.

Скопировать ссылку

(Нурлат, 21 июль, "Татар-информ", "Дуслык", Лилия Мубаракшина). 20 июльдә Бөтендөнья шахмат көне билгеләп үтелә. Шул уңайдан районның шахмат-шашкачылар клубы әгъзалары район башкарма комитетының яшьләр эшләре һәм спорт бүлеге белән берлектә балалар арасында шахмат турниры оештырды, дип яза җирле басма.

Турнирда шахмат уены белән мавыгучы 26 бала катнаша, җиңү өчен аларга 5 турны уңышлы үтәргә кирәк булачак. Катнашучылар арасында узган елдан эшләп килүче шахматчылар төркеменә йөрүче балалар да, шахмат серләренә үзлектән өйрәнүчеләр дә, Нурлатка чит шәһәрләрдән кунакка кайткан балалар да бар. Шахмат өстәлләре артына утырыр алдыннан яшь шахматчыларны шахмат төркеме тренеры Җәмилә Мингалиева, яшьләр эшләре һәм спорт бүлеге белгече Венера Бакирова, уенның баш хөкемдарлары Олег Павлов белән Виталий Сидоров сәламләп, уңышлы уен теләделәр.

#Нурлат #Дуслык

Сәхифәләр

Нурлатта Шахматчылар көнен уен өстәлләре артында билгеләп үттеләр