Мәдәният 12 декабрь 2016 07:00

Нурлатта Салих Сәйдәшевка багышланган стела ачылды

Ул шәһәрнең Салих Сәйдәшев һәм Үзәк урамнары киселешендә куелган.

Скопировать ссылку

(Нурлат, 12 декабрь, “Татар-информ”, “Дуслык”, Гүзәл Садыйкова). Татарстанның Нурлат шәһәрендә композитор Салих Сәйдәшевка багышланган стела ачылды, дип хәбәр итә районның "Дуслык" газетасы.

Әлеге стела – бу урамда яшәүчеләрнең һәм шәһәр тормышына битараф булмаган кешеләрнең уртак тырышлыгы җимеше. Кемдер матди тәэмин ителешне үз өстенә алган, икенче берәүләр эретеп ябыштыру, бизәкләү кебек эшләрне башкарган.

“Шәһәрдә мәшһүр шәхесләр исемнәрен йөртүче урамнар байтак, – ди стела ясау идеясен күтәреп чыккан, шул урамда яшәүче Рөстәм Хәйретдинов. – Кызганычка, күпләр алар турында белми. Шуңа Салих Сәйдәшевка багышланган стела, бер яктан, шәһәрлеләр өчен татар халкының бөек кешесе турында белешмә бирсә, икенче яктан, аның исемен мәңгеләштерүгә хезмәт итәчәк".

#Нурлат #Дуслык газетасы #Салих Сәйдәшев

Сәхифәләр

Нурлатта Салих Сәйдәшевка багышланган стела ачылды