Фән һәм мәгариф 25 ноябрь 2017 16:48

Нурлатта 2нче урта мәктәп 80 еллыгын үткәрде

Нурлатның 2нче урта мәктәбенә 1937 елда нигез салынган, элек Октябрь районы урта мәктәбе дип аталган.

Скопировать ссылку

(Казан, 25 ноябрь, «Татар-информ»). Нурлатның 2нче гомуми белем бирү мәктәбе 80 еллыгын билгеләп үтте, дип яза “Дружба” газетасы.

Чарада Нурлат районы башлыгы Равил Кузюров, Нурлатның мактаулы гражданины, Россия Кораллы көчләр ветераны Идеал Галәветдинов, төрле еллардагы чыгарылыш укучылары һәм укытучылар катнашты.

Нурлатның 2нче урта мәктәбенә 1937 елда нигез салынган, элек Октябрь районы урта мәктәбе дип аталган. Бу мәктәп 500 урынга исәпләнгән ике катлы бинада булган.

Мәктәпнең беренче директоры Шульдеев булган. Бөек Ватан сугышы башлангач, мәктәп эшләүдән туктаган һәм бары тик 1945 елда гына укучылар янә парта артына утырган.

Район башлыгы Равил Кузюров мәктәп коллективына уңышлар теләде һәм учреждение коллективына 50 мең сумлык сертификат тапшырды. Чара котлаулар, концерт программасы һәм хатирәләрне барлау белән дәвам итте.

#Нурлат

Сәхифәләр

Нурлатта 2нче урта мәктәп 80 еллыгын үткәрде