Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары вазифасын башкаручы
Зилә Мөбәрәкшина
Нурлат төбәгендә хуҗабикә котырган төлке белән кара-каршы көрәшкән
Хәзер мал-туарга, кош-кортка вакцинацияләү процедуралары уздырыла
(Казан, 22 сентябрь, “Татар-информ”). Күптән түгел Нурлат районының Колбай Мораса авылында көтү озатырга чыккан хуҗабикә ишегалдында үрдәкләргә һөҗүм итүче төлкегә тап була.
Хуҗабикә каушап калмый: кулына таяк алып төлкегә сукмакчы була, әмма өлгерми кала. Шуннан хатын төлкене койрыгыннан эләктереп алып, бумакчы була. Төлке ханымны тырный, җәрәхәтли.
“Авылдашыбыз бүген район үзәк хастаханәсендә прививкалау процедурасы уза. Аның сәламәтлегенә җитди зыян килмәде”, –ди Колбай Мораса авылы җирлеге башлыгы Идрис Хөснетдинов.
Ветеринар табиб барлык терлек-туарларга, кош-кортларга, мәче-этләргә вакцинация ясау белән мәшгуль. Ә 700 баш мөгезле эре терлекнең шактый өлеше әле кыргый төлке килгәнче үк прививкаланган иде, дип гадәттән тыш очрак турында яза Нурлатның “Дуслык”газетасы.
Кызыклы яңалыкларны күзәтеп бару өчен Телеграм-каналга язылыгыз