Нурлат артистлары төбәкара "Себер Сабан туе"нда катнаша
Кунаклар өчен тәкъдим ителәчәк мастер-класслар татар мәдәниятенә багышланачак.
Скопировать ссылку
(Казан, 14 июнь, "Татар-информ"). 17 июнь көнне Новосибирскның Үзәк ял паркында төбәкара "Себер Сабан туе" узачак. Анда Новосибирск, Новосибирск өлкәсе, Себер төбәкләре иҗат төркемнәре катнашачак, дип хәбәр итә җирле татарлар оешмасы.
Шул исәптән, Татарстанның Нурлат районы артистлары да себер татарларының күңелен күрәчәк. Алар бәйрәмдә "Себер сандыгы" ярминкә күргәзмәсе тәкъдим итәргә ниятли.
Моннан тыш, чарада "Сабан туе гүзәле"н сайлау планлаштырыла.
Кунаклар өчен тәкъдим ителәчәк мастер-класслар исә татар мәдәниятенә багышланачак. Анда татарча открыткалар, бәйрәм магнитлары, милли курчаклар ясарга өйрәнергә мөмкин булачак.
