Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
«Нур» театрының «Фатыйма» драмасы Чувашиядәге фестивальдә иң яхшы спектакль дип табылды
Уфаның «Нур» татар дәүләт театры 17-22 ноябрьдә Чабаксарда узган Вера Кузьмина исемендәге «Чĕкеç» I Халыкара милли театрлар фестивалендә катнашты. Бу хакта «Башинформ» агентлыгы хәбәр итә.
«Нур» театры фестивальдә Зифа Кадыйрова повесте буенча сәхнәләштерелгән «Фатыйма» драмасын тәкъдим итте. Спектакльнең инсценировка авторы – Гөлнур Усманова, режиссеры – Башкортстанның халык артисты Азат Җиһаншин. 22 ноябрьдә Чуваш драма театрында фестивальне ябу һәм нәтиҗәләр ясау тантанасы булды.
«Нур» театрының «Фатыйма» драмасы «Иң яхшы спектакль» номинациясендә җиңүче дип табылды. Төп рольне башкарган Башкортстанның атказанган артисты Чулпан Раянова «Иң яхшы хатын-кыз роле» номинациясендә җиңде, Башкортстанның атказанган артисты Айсылу Гомәрованың Хәсибә ролен башкаруда актерлык осталыгы фестивальнең махсус призы белән билгеләп үтелде.
Чуваш драма театры һәм Чуваш курчак театры сәхнәләрендә Россия һәм якын чит илләрнең җиде милли театры спектакльләр тәкъдим итте. Йөздән артык артист алты көн дәвамында тамашачылар алдында сәхнә тотты, диелә хәбәрдә.
Кызыклы яңалыкларны күзәтеп бару өчен Телеграм-каналга язылыгыз