Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
"Нур" балалар театр студиясе апрель аенда ике спектакль тәкъдим итәчәк
"Сертотмас үрдәк" һәм "Кечкенә принц" спектакльләрен Казандагы Актерлар йорты сәхнәсеннән карап булачак.
(Казан, 9 апрель, "Татар-информ"). Апрель аенда Казанның Актерлар йортында "Нур" балалар татар театр студиясе спектакльләр куячак.
ТР Театр эшлеклеләре берлегенең матбугат хезмәте хәбәр иткәнчә, 10 апрельдә "Нур"чылар тамашачыларга "Сертотмас үрдәк" спектаклен тәкъдим итә. Абдулла Алишның бу әкиятен бик күпләр балачактан ук ярата. Нәкъ менә шуңа күрә "Нур" студиясе сәхнәдә кую өчен әлеге әсәрне сайлаган. Балаларның ихлас итеп уйнаулары, кызыклы сценография һәм сәхнә киемнәре ярдәмендә спектакль күңелле һәм мавыктыргыч булып чыккан.
24 апрельдә "Нур" студиясе Антуан де Сент-Экзюпериның "Кечкенә принц" әкиятен куячак. Аны татарчага Разил Вәлиев тәрҗемә иткән. Әлеге балалар спектакле өлкәннәр "моделе"ндә куелган, һәм аңа өлкәннәр белән балалар арасында мәңгелек кыйммәтләр темасына уртак сөйләшү булдыру бурычы йөкләнә.
Спектакльләрнең режиссеры – Казан театр училищесы һәм "Нур" студиясенең актерлык осталыгы буенча мөгаллиме Марсель Мәхмүтов. Рәссам – Татарстанның атказанган сәнгать эшлеклесе, Казан яшь тамашачы театрының баш рәссамы Ленар Гыйльметдинов.
Сәнгать студиясе җитәкчесе – Россиянең атказанган һәм Татарстанның халык артисткасы, Камал театрының әйдәп баручы актрисасы Наилә Гәрәева.
Исегезгә төшерәбез, "Нур" балалар татар театр студиясе Татарстан Республикасы Театр эшлеклеләре берлеге башлангычы белән 2012 елда ачыла. Биш ел эчендә аның укучылары күп кенә өлкәләрдә үзләрен күрсәтергә өлгергән.
Кызыклы яңалыкларны күзәтеп бару өчен Телеграм-каналга язылыгыз