Ноябрьнең беренче көнендә Татарстанда аномаль җылылык көтелә
Скопировать ссылку
Бүген, 1 ноябрьдә, Татарстанда җылы һәм коры һава торышы көтелә. Бу хакта ТР Гидрометүзәге хәбәр итә.
Республикада явым-төшем булу ихтималы аз, әмма урыны белән, шул исәптән Казан да, томан төшәчәк.
Синоптиклар билгеләп үткәнчә, көньяк-көнбатыш һәм көньяктан 5-10 м/с тизлектә җил исәчәк, кайбер урыннарда (ә ТР башкаласында түгел) 14 м/с кадәр булачак.
Көннең якты вакытында һава температурасы 5-10 градус җылылык тәшкил итәчәк, төбәкнең көньяк яртысында урыны белән +13 градуска кадәр (Казанда +8-10).