news_header_top_970_100
Руc Тат
16+
news_header_bot_970_100
Хәвеф-хәтәр 3 ноябрь 2009 18:58

Ноябрьнең 2 көнендә республика юлларында 23 һәлакәт булган

Нурлат, Әлмәт хастаханәләре транспорт һәлакәтендә имгәнгәннәрне дәвалый

Скопировать ссылку

(Казан, 3 ноябрь, “Татар-информ”).  1 ноябрь төнге 3 нче яртыда Нурлат шәһәрендә “ВАЗ-2112” машинасы белән идарә иткән 1987 елгы зат өйдергән юлдан зур тизлектә түбән төшеп, агачка килеп бәрелгән. Рульдәгесе, умыртка баганасы каты бәрелеп, тагын 1987 елгы 2 пассажиры җәрәхәтләнеп, үзәк район хастаханәсенә китерелгән.

 

2 ноябрь сәгать иртәнге 8дә Әлмәт – Урсалы юлының 3 нче чакрымында “Нисан Примера” машинасы рулендәге 1959 елгы зат, алдан чыгарылган нәтиҗәләр буенча, тизлеген хәрәкәт иминлеген тәэмин итәрлек сайлый һәм алдан барган транспорт белән ике арада куркынычсыз дистанция калдыра алмаганга, алдындагы “Дэу Матиз”га бәрдергән. Соңгысы белән идарә иткән 1985 елгы кешегә урында медицина ярдәме күрсәтелгән, ә шушы ук елгы пассажир хатын-кыз “Татнефть” АҖ медсанчастена озатылган.

 

Ноябрьнең 2 көнендә республика юлларында 23 һәлакәт булган, 32 кеше имгәнгән-җәрәхәтләнгән, үлүчеләр юк, дип хәбәр итә ТР буенча Эчке эшләр министрлыгының ЮХИДИ идарәсе юлларда хәрәкәт иминлеген пропагандалау бүлеге.        

autoscroll_news_right_240_400_1
autoscroll_news_right_240_400_2
news_bot_970_100